அடிப்பல்லில் இரண்டு

அதிகதூரம் வளர்ந்துவிட்டால்

பன்றி என்றும் யானையாகிவிட முடியாது- அதை

தந்தம் என்றெண்ணி

தற்பெருமை கொண்டு யானையிடம் புகுந்தாலது

தலைநசுங்கி சாவது உறுதி

``````````````````````````````````````````````````````````````

அளவில்லா கோபமென்றும் தன்

அழிவுக்கே துணை நிற்கும்


````````````````````````````````````````````````````````````````
கம்பனை விடவுயர் கவிஞனுமில்லை தன்னை

கம்பனாய் நினைப்பவன் கவிஞனேயில்லை


``````````````````````````````````````````````````````````````````
கவியின் திமிர் கவிதையில் புலப்படவேண்டும்

கண்டவற்றில் எல்லாம் புலப்பட்டால்

காரியமற்று போய்விடும்
```````````````````````````````````````````````````````````````````
அன்பால் வெல்லமுடியா ததெதையும்

கோபம் வென்றுவிடுவ தில்லை ,

அங்ஙனம் வென்ற யாவையும்

அன்பின் சிறப்பை கொண்டுவிடுவதில்லை

```````````````````````````````````````````````````````````````````

திறமை இருக்குமிடத்தில் திமிர் குடிபுகுந்தால் அந்த திறமையின் திறவுகோல் தொலைந்துவிடுகிறது...
```````````````````````````````````````````````````````````````````
கோபத்தை முன்னிறுத்தி காரியம்கொள்ள துடிப்பவன்

கோழைத்தனத்தின் குடியுரிமை பெற்றவனாகிறான்

``````````````````````````````````````````````````````````````````````
ஊரை குறைகூறுபவன் என்றும்

தன்குறை ஏற்கமறுப்பது இயல்பே


`````````````````````````````````````````````````````````````````````
காரணத்தோடு கோபப்படுபவன் வீரன்

காரணமின்றி கோபப்படுபவன் வீணன்

````````````````````````````````````````````````````````````````````````

`````````````````````````````````````````````````````````````````````````